Hymnodia

Hönnuðurinn, Halldór Björn Halldórsson, grafískur hönnuður, er að ljúka við sitt verk og kórfélagar að lesa yfir textann í bæklingnum. Upptökur eru klárar og mikil tilhlökkun í hópnum að sjá útkomuna. Vonandi kemst platan á markað í byrjun nóvember. Hún heitir Heyr þú oss himnum á og á henni eru 17 kórverk eftir íslenskar konur. Hér er myndin sem prýðir forsíðu plötunnar. Hún er af Katrínu Ólafsdóttur sem fædd var um aldamótin 1900. Katrín var tónlistarkona og lærði fiðluleik við tónlistarakademíuna í Kaupmannahöfn en varð að gefa tónlistarferilinn upp á bátinn þegar hún giftist og eignaðist börn.