Gamla árið kvaddi
Hymnodiu með virktum. Blaðamenn og tónlistargagnrýnendur Morgunblaðsins settu plötu kórsins, Heyr mig mín sál, í fjórða
sæti af tíu bestu plötum ársins og í raun má segja að hún sé efst af þeim plötum sem flokkast til klassískrar
tónlistar. Í fyrsta sæti var Fordlandia Jóhanns Jóhannssonar, Sigurður Flosason og Sinfóníuhljómsveit Íslands í öðru
sæti, platan Ró með Mógil í því þriðja og svo Hymnodia. Neðar á listanum lentu Ísafold, Ghostigital, Apocrypha,
Mótettukórinn, Hrím Gunnars Gunnarssonar og Blátt ljós Sigurðar Flosasonar. Jafnvel þótt plata Hymnodiu hafi ekki verið tilnefnd til
íslensku tónlistarverðlaunanna má með sanni segja að hún hafi fallið í kramið hjá tónlistarspekúlöntum. Í
gamlársdagsblaði Morgunblaðsins segir um plötu Hymnodiu, Heyr mig mín sál: „Einlæg og tær túlkun á kórverkum íslenskra
kvenna. Gæðagripur.“ Sjá nánar
hér fyrir þá sem hafa aðgang að
Morgunblaðinu á netinu.
