Hymnodia

Hlaðvarpinn, menningarsjóður kvenna, hefur ákveðið að styrkja verkefnið Tónlist íslenskra kvenna sem er flutningur og útgáfa Hymnodiu á kórverkum eftir íslensk kventónskáld. Kórinn hlaut 500.000 króna styrk hjá Hlaðvarpanum. Verkefni þetta heldur áfram á nýju ári því að Hymnodia hefur pantað ný tónverk hjá Karólínu Eiríksdóttur og Önnu S. Þorvaldsdóttur og verða þau vonandi bæði frumflutt á árinu. Í september fer Hymnodia til Sviss og syngur tónlist íslenskra kvenna þar á nokkrum tónleikum.