- Stórkostleg stund
Stuð í Hofi!
Hymnodia er hæstánægð með aðsóknina að tónleikunum í Hofi 11. nóvember. Litli salurinn í Hofi, Hamrar, er frábær til kórsöngs og flytur vel mjög veikan söng en þolir um leið frábærlega háværustu tóna. Þetta upplifðu tónleikagestir sem voru hátt á annað hundrað talsins. Setið var í öllum stólum sem raðað var inn í salinn og rétt fyrir tónleika þurfti að bæta einni stólaröð við. Hymnodia hefur aldrei verið betri en um þessar mundir en kórinn gæti orðið enn betri á jólatónleikunum sem verða haldnir í Akureyrarkirkju rétt fyrir jólin. Nánar um það síðar.
