Hymnodia

Hymnodia verður eitt af verkfærunum sem notuð verða þegar gömlu síldarverksmiðjunni á Hjalteyri verður breytt í hljóðfæri á föstudagskvöld, 21. ágúst. Einnig beitir Lára Sóley Jóhannsdóttir fiðlu sinni, Hjörleifur Örn Jónsson slagverki sínu og Eyþór Ingi Jónsson kemur með sitt gamla orgel-harmóníum. Flutt verða alþekkt lög en í algjörlega nýstárlegum búningi en svo verður líka flutt hin magnaða Martröð Hildigunnar Rúnarsdóttur sem sló rækilega í gegn á tónleikum Hymnodiu á Hjalteyri í fyrrasumar.